Hamro patro Local 03

राजनीति

प्रदेश नम्बर २ चुनाव : सबै मतदान केन्द्रमा आज कर्मचारी पुग्ने

Posted: Thursday, Sep 14, 2017 08:57 AM ( 1 week ago )

Total Hits: 1.4 K

Share This

काठमाडौं, भदौ २९ – प्रदेश नम्बर २ मा आउँदो सोमबार हुने चुनावको लागि बिहीबार बेलुकासम्ममा सबै चुनाव केन्द्रमा कर्मचारी पुग्ने निर्वाचन आयोगले जनाएको छ ।

बेलुकासम्ममा प्रदेश नम्बर २ का ८ जिल्लाका १ सय ३६ स्थानीय तहमा हुने चुनावको लागि ३ हजार ५ सय ७८ मतदान केन्द्रमा झण्डै ३१ हजार कर्मचारी पुग्ने आयोगका प्रवक्ता नवराज ढकालले जानकारी दिनुभयो । उहाँका अनुसार हरेक केन्द्रमा कम्तिमा पनि ६ जना कर्मचारी खटाउन लागिएको छ । कर्मचारी पुगेपछि शुक्रबारदेखि मतदाता परितयपत्र वितरण गर्ने र परिचयपत्र लिन पुगेकालाई भोट हाल्ने तरिका पनि सिकाउने उहाँले जानकारी दिनुभयो ।

यसैबिच निर्वाचन आयोगले प्रतिनिधिसभा र प्रदेशसभा सदस्य चुनावमा समानु्पातिक प्रणालीतर्फ भाग लिन निवेदन पेश गरेका राजनीतिक दललाई निवेदन फिर्ता लिन बिहीबार समय दिएको छ ।

आयोगमा निवेदन दिएका ८८ राजनीतिक दलले बिहान १० देखि ५ बजेसम्म दल दर्ताको निवेदन फिर्ता लिन सक्ने आयोगले जनाएको छ ।

मंसिर १० र २१ गते प्रतिनिधि सभा र प्रदेशसभा चुनावको लागि समानुपातिक प्रणालीतर्फ भाग लिने चाहाने ८८ दलले निवेदन दिएका छन् ।

यस्तै प्रतिनिधि सभा निर्वाचन ऐनको नियमावलीको विषयमा बिहीबार आयोगले सबै दलका नेतासँग छलफल गर्दैछ । 

 

उज्यालोको Android Mobile Application निशुल्क डाउनलोड गर्नुहोस् र उज्यालो रेडियो र उज्यालो अनलाइनका कार्य्रकम, खबर आफुले चाहेको बेला सुन्नुहोस, पढ्नुहोस् ।

Comments